الأربعاء، 10 ديسمبر 2014

البطالة هي ظاهرة اقتصادية بدأ ظهورها بشكل ملموس مع ازدهار الصناعة.
بلغت نسبة البطالة في مـصـر في عام 2006 حسب إحصائات وكالة المخابرات المركزية %10.30 ونتجت عن البطالة الكثير من الكوارث الغبية في المجتمعات الذكية مثل زيادة نسب الجرائم . وزيادة الهجرة غير الشرعية إلى الدول الأوروبية وإقبال عدد الشباب المصري على الانتحار للشعور باليأس بسبب البطالة، وعدم قدرتهم على إعالة أسرهم.
وفي عام 2006 أعلن المركز المصري للحد من البطالة والدفاع عن حقوق الإنسان، عن تأسيس أول رابطة "للعاطلين" في مصر، في محاولة لتغيير حياتهم من خلال توفير فرص العمل لهم.
ارتفعت نسبة البطالة في عصرنا الحاضر ارتفاع كبير.. فعدم توفر وظائف شاغرة أدى إلى انحراف الشباب عن الطريق الصحيح وذلك لوجود وقت فراغ كبير فالشباب يضيعه في غير فائدة وذلك لعدم توفر وظيفة له.
يتخرج الشاب من الكلية أو الجامعة ويبقى سنوات عديدة ينتظر الوظيفة وهذا مما يؤدي إلى ارتفاع البطالة.
نـــريــد حــــلً؟؟
 

الثلاثاء، 9 ديسمبر 2014

تعتبر الأمية في مــصــر من المشاكل التي تعوق برامج الدولة للتنمية والإصلاح. بلغت نسبة المتعلمين في مصر (حسب تقرير الأمم المتحدة للتنمية البشرية 2006) 71.4% للبالغين (15 عام فأكثر)  و 84.9% للشباب (من 15 إلى 24 عام)  حسب إحصائيات 2004. النسبة المقدّرة في 2005 لمن يسطيع القراءة والكتابة 83% من الذكور و 59.4% من الإناث طبقا لكتاب حقائق العالم
ووفقا للإحصائيات الرسمية فإن عدد الأميين في مصر هو 17 مليون إنسان لعام 2006 حوالي (20%) إلا أن بعض المثقفين في مصر يرجح أن نسبة الأمية قد تصل إلى 50% من السكان . في إحصائية صادرة عن موسوعة الدول قدرت نسبة الأمية في مصر بحوالي 45% من السكان لعام2000 إحصائيات أخرى صادرة من اليونيسكو لعام 2003 أظهرت أن نسبة الأمية بين الذكور الذين يزيد عمرهم عن 15 عام في مصر هو 42% من السكان الذكور و 53% للأناث فوق سن 15 عام 
نـــريــد حــــلً؟؟


الأحد، 7 ديسمبر 2014

أولاً نحب نقول نبذه مختصره عن مصر للي مش عارف مصر و نحب نعرض مواردها الى هاتثبتلنا للأسف إننا كشعب منستحقش نعيش على ارضها العظيمه .
مصر هي اعظم حضاره عرفتها البشريه دا لانها حضاره الـ 7000 سنه ,المؤرخين أطلقوا عليها "مقبره الغزاه" و دا لان علي ارضها انتهت امبراطوريات و قوي عظمي كانت مسيطره على العالم لـ سنين طويله , زي الهكسوس الى قضي عليهم أحمس ومحي أي أثر ليهم , والصليبين الى كانو عاوزين يحتلو القدس و منها يحتلوا الشرق بأكمله و يستولو علي خيراته و كنوزه و كانت حجتهم بأسم الدين , و إن المسلمين مضطهدين المسيحين , لكن لإن المسيحين و المسلمين كانوا على علم بـ مخطط الصليبين كانوا أيد واحده و وقفولهم وقفه رجلً واحد , و قدروا يقضوا عليهم و مش بس كده , لما دخلوا مصر و وصلوا لحد "المنصوره" (الى انا بفتخر انى منها) , الرجال و النساء قاموا للمعركه مش بس الجيش , لحد ما انتهي الامر بهزيمتهم أشر هزيمه وآسر ملكهم " لويس التاسع" فى دار أبن لقمان و بعدهم وصلت قوه جديده أسمها التتار, قدروا يحتلوا آسيا فى وقت قياسي و أعتمدوا على خوف الدول الى دخلوها و دمروها الي أن وصلوا على حدود "مصر" و كانت مصر فى الوقت دا غير مستقره تماماً و بمعني أخر كانت صيده سهله جداً و دا لأن كان بيحكمها المماليك الى كان انشغالهم بمحاربه بعضهم لكن شعب مصر حسَ إن التتار ممكن يحتلوا مصر كل واحد فيهم مسك سلاحه و بدأ يحارب التتار تحت قياده "قطز" , و مش بس طردوهم من حدود مصر وحرروا كل بلد هما احتلوها لحد ما رجعهم جنوب الصين موطنهم الاصلى , و غيرهم العثمانين و الفرنسين و الانجليز .
و دي كانت نبذه مختصره جداً جداً من تاريخ مصر المشرف , نبدأ نشوف الموارد المصريه و للأسف بنستخدم كميات ضئيله جداً منها أول حاجه احنا عندنا تاريخ و حضاره من معابد و أثار مش موجوده عند اي حد ,"الاقصر" فقط موجود فيها ثلث أثار العالم تاني حاجه مصر موجوده فى مركز متوسط ف العالم بالاضافه لقناه السويس الى جعلاها ممر للعالم كله , مصر فيها اثار دينيه ما بين أثار (اسلاميه و مسيحيه و يهوديه) كتيره جداً زي (الازهر,الحسين,مسجد عمرو بن العاص,دير سانت كاثرين,دير وادي النطرون,المعبداليهودي) و غيرهم كتير .. مصر فيها شواطئ من أجمل شواطئ العالم زي شواطئ البحر الاحمر و شواطئ اسكندريه ..كل الحاجات دي كفيله بأنها تخلى مصر من اجمل الدول السياحيه ف العالم ..لكن المشكله ف الشعب نفسه واتلافه للأثار و المعابد, و الاهمال و الاستهتار من الحكومه.
 مصر فيها نخبه من احسن العقول في العالم و بيفيدوا العالم كله بعلمهم و بيرفعوا راس مصر برا زي (د.احمد زويل, د.فارق الباز, د.مجدي يعقوب, د.محمد غنيم ) و غيرهم كتيييير و الاجيال الجديده بس للأسف بيأثر عليهم نظام تعليم غلط أو إدمان أو بطاله و طبعاً أن شاء الله دي كلها مشاكل هانقدر نغطيها بأذن الله 
كل الحاجات دي بتثبتلنا للأسف إن ازمه البلد دي احنا السبب فيها مش من الحكام بس , يعني صمتنا لمده 30 سنه خراب في البلد في عهد الرئيس السابق دا كان خراب احنا السبب فيه ثوارتنا و مظاهرتنا المستمره من بعد ثوره 25 يناير برضو خراب احنا السبب فيه الزباله في الشوارع برضو خراب احنا السبب فيه استخدام المناصب في المصالح الشخصيه برضو خراب احنا السبب فيه ..دلوقتي هاسيب حضراتكم مع فيديو مهم ياريت اشوف تعليقاتكم ..شكراًً 

Eng.Omar Elkerdawy
Eng.Ammar Elshalqamy

الجمعة، 5 ديسمبر 2014

السلام عليكم
ف البدايه نحب نعرف نفسنا احنا فريق(IDEA TEAM) طلبه بالفرقه الاعداديه كلبه الهندسه جامعه الدلتا ,كل حلمنا إن بلدنا الى عيشنا فيها تكون احسن بلد ف العالم ,و بإذن الله هنحاول نصلحا بأفكارنا و موضوعتنا الى هانعرض فيها المشاكل الى بتواجهنا كمواطنين ,و نتمني من حضراتكم متابعتنا و عرض مشاكلكم و هانتفاعل مع كل المشاكل بإذن الله.
 مصر هي شعب , مصرهي كل مواطن فيها ولازم نعرف قبل ما نطلب التغيير لازم نبدأ بنفسنا و تغيير نفوسنا من داخلها ,يقول الله سبحانه و تعالى ف كتابه العزيز "لا يغير الله ما بقوم حتي يغيروا ما بأنفسهم" صدق الله العظيم .